Holiday Inn Express Bangkok Soi Soonvijai

ການເດີນທາງເພື່ອສຸຂະພາບ

ການອອກແບບໂຮງແຮມສະທ້ອນໃຫ້ເຫັນແນວຄວາມຄິດກ່ຽວກັບ 'ການດຳລົງຊີວິດໃນພື້ນທີ່ທີ່ອຸດົມສົມບູນ' ເຖິງແມ່ນວ່າຖືກອ້ອມຮອບໂດຍຄອນກຣີດ ເພື່ອສ້າງບັນຍາກາດການພັກຜ່ອນ ແລະ ສະຫງົບສຸກ. ຢູ່ທີ່ທາງເຂົ້າ,ຈະມີຮູບປັ້ນນົກສີຟ້າ ແລະ ສີທອງຕ້ອນຮັບທ່ານ. ແຂກທີ່ເຂົ້າມາພັກໃນໂຮງແຮມຍັງສາມາດເພີດເພີນກັບພືດພັນຢູ່ທີ່ສວນບຳບັດຂອງພວກເຮົາ ເຊິ່ງຖືກຕົບແຕ່ງສະພາບແວດລ້ອມແບບສວນພຶກສາຢູ່ເທິງຊັ້ນສອງ, ນອກນີ້ຍັງມີສວນເທິງຫຼັງຄາຂອງໂຮງແຮມເຊິ່ງເປັນບ່ອນທີ່ແຂກສາມາດໄປຫຼິ້ນ ແລະ ພັກຜ່ອນໄດ້ຕະຫຼອດມື້ ແລະ ຊົມພາບສີສັນຂອງຕາເວັນຕົກດິນ.

ສະດວກສະບາຍແກ່ການໃຊ້ລົດເຂັນຢ່າງ

Holiday Inn Express Bangkok Soi Soonvijai ອອກແບບມາໃຫ້ລົດເຂັນເຂົ້າອອກໄດ້ຢ່າງສະດວກ ເຊິ່ງເລີ່ມຕົ້ນຈາກທາງເຂົ້າ, ຫ້ອງພັກ ແລະ ຫ້ອງນ້ຳສຳລັບຜູ້ພິການ, ຈົນເຖິງທາງຂຶ້ນໄປເທິງຫຼັງຄາ ແລະ ພື້ນທີ່ສາທາລະນະອື່ນໆ. ນອກນີ້ຍັງມີລົດເຂັນໃຫ້ຊົມໃຊ້ຢູ່ໃນສະຖານທີ່ຕ່າງໆສຳລັບບັນດາຜູ້ທີ່ອາດຈະຕ້ອງການມັນ ເພາະວ່າໂຮງແຮມຂອງພວກເຮົາຢູ່ໃກ້ກັບໂຮງໝໍທີ່ສຳຄັນຫຼາຍແຫ່ງໃນບາງກອກ, ໜຶ່ງໃນກຸ່ມແຂກສຳຄັນຂອງພວກເຮົາແມ່ນບັນດາຜູ້ທີ່ມາປິ່ນປົວຢູ່ທີ່ໂຮງໝໍເຫຼົ່ານີ້.

ຈຸເດັ່ນຂອງໂຮງແຮມ

ລາຄາທີ່ເໝາະສົມ
ອາຫານເຊົ້າຟຣີ
WiFi ຟຣີ
ຈຸດທີ່ຕັ້ງດີຢູ່ຂ້າງກັບໂຮງໝໍບາງກອກ
ຝັກບົວອາບນ້ຳໄຟຟ້າ
ຕຽງນອນແສນສະບາຍ
ສວນເທິງຫຼັງຄາ ແລະ ສວນບຳບັດ
ລົດຕູ້ຮັບສົ່ງໄປຫາໂຮງໝໍບາງກອກ, ໂຮງໝໍປິຍະເວດ, ໂຮງໝໍພຣະຣາມ 9, ສະຖານີທອງຫຼໍ່ BTS, ສະຖານີເພັດຊະບູຣີ MRT ແລະ ສະຖານີມັກກະສັນທີ່ເປັນລົດໄຟເຊື່ອມຕໍ່ເຖິງສະໜາມບິນ

ຈຸດທີ່ຕັ້ງຂອງໂຮງແຮມ

ຕັ້ງຢູ່ໃນໃຈກາງຂອງສູນການແພດ ແລະ ສູນການຄ້າຊັ້ັນນຳຂອງບາງກອກ, Holiday Inn Express Bangkok Soi Soonvijai ເປັນໂຮງແຮມໃນບາງກອກທີ່ສະດວກ ແລະ ສະບາຍສຳລັບການນັດໝາຍທາງການແພດ, ການຢ້ຽມຢາມຍາດພີ່ນ້ອງ, ຫຼື ເພີດເພີນກັບການຊື້ເຄື່ອງເທົ່ານັ້ນ! ໂຮງແຮມໃຊ້ເວລາຍ່າງໄປຫາໂຮງໝໍບາງກອກພຽງ 2 ນາທີ ແລະ ພຽງສອງສາມກິໂລແມັດຈາກໂຮງໝໍຊັ້ນນຳແຫ່ງອື່ນໆໃນບາງກອກ ລວມທັງໂຮງໝໍປິຍະເວດ ແລະ ໂຮງໝໍພຣະຣາມ 9. ໂຮງແຮມຍັງມີລົດຕູ້ຮັບສົ່ງຟຣີໄປຍັງໂຮງໝໍທີ່ກ່າວມາຂ້າງເທິງ, ສະຖານີເພັດຊະບູຣີ MRT, ແລະ ສະຖານີທອງຫຼໍ່ BTS ບ່ອນທີ່ທ່ານສາມາດເຊື່ອມຕໍ່ກັບເຂດອື່ນໆຂອງບາງກອກໄດ້ຢ່າງງ່າຍດາຍ.