Location
Location

Stay

At the heart of everywhere.

Bangkok Hospitail
Bangkok Hospitail

Stay

At the heart of everywhere.

Talad Rot Fai
Talad Rot Fai

Stay

At the heart of everywhere.

discover

Discover
oF / oC Partly sunny
Check In Icon
Check Out Icon
Adult Icon
Children Icon
Room Icon

ຈຸດ​ທີ່​ຕັ້ງ​ຂອງ​ໂຮງ​ແຮມ

ຕັ້ງ​ຢູ່ໃນ​ໃຈ​ກາງ​ຂອງ​ສູນ​ການ​ແພດ ແລະ ສູນ​ການ​ຄ້າ​ຊັ້ັ​ນ​ນຳ​ຂອງ​ບາງກອກ, Holiday Inn Express Bangkok Soi Soonvijai ເປັນ​ໂຮງ​ແຮມ​ໃນ​ບາງກອກ​ທີ່​ສະ​ດວກ ແລະ ສະ​ບາຍ​ສຳ​ລັບ​ການ​ນັດ​ໝາຍ​ທາງ​ການ​ແພດ, ການ​ຢ້ຽມ​ຢາມ​ຍາດ​ພີ່​ນ້ອງ, ຫຼື ​ເພີດ​​ເພີນກັບ​ການ​​ຊື້​ເຄື່ອງ​ເທົ່າ​ນັ້ນ! ໂຮງ​ແຮມ​ໃຊ້​ເວ​ລາ​ຍ່າງ​ໄປ​ຫາ​ໂຮງ​ໝໍ​ບາງກອກພຽງ 2 ນາ​ທີ​ ແລະ ພຽງ​ສອງ​ສາມ​ກິ​ໂລ​ແມັດ​ຈາກ​ໂຮງ​ໝໍ​ຊັ້ນ​ນຳ​​ແຫ່ງ​ອື່ນໆ​ໃນ​ບາງກອກ ລວມ​ທັງ​ໂຮງ​ໝໍ​ປິ​ຍະ​ເວດ ແລະ ໂຮງ​ໝໍ​ພ​ຣະ​ຣາມ 9. ໂຮງ​ແຮມ​ຍັງ​ມີລົດ​ຕູ້​ຮັບ​ສົ່ງ​ຟ​ຣີ​ໄປ​ຍັງ​ໂຮງ​ໝໍ​ທີ່​ກ່າວ​ມາຂ້າງເທິງ, ສະ​ຖາ​ນີ​ເພັດ​ຊະ​ບູ​ຣີ MRT, ແລະ ສະ​ຖາ​ນີ​ທອງຫຼໍ່ BTS ບ່ອນ​ທີ່​ທ່ານ​ສາ​ມາດ​ເຊື່ອມ​ຕໍ່​ກັບ​ເຂດ​ອື່ນໆ​ຂອງ​ບາງກອກ​ໄດ້​ຢ່າງ​​ງ່າຍດາຍ. 

ຊ່ອງທາງທີ່ເຂົ້າເຖິງໄດ້

ຈາກ​ສະ​ໜາມ​ບິນ​ນາ​ນາ​ຊາດ​ສຸ​ວັນ​ນະ​ພູມ, ໃຊ້​ເສັ້ນ​ທາງ​ເລກ​​ທີ 7 (ຖະ​ໜົນ​ທີ່​ເກັບ​ຄ່າ​ຜ່ານ​ທາງ) ຈາກນັ້ນ​ໃຊ້ທາງ​ອອກ​ຖະ​ໜົນ​ພ​ຣະ​ຣາມ 9. ເຂົ້າ​ໄປ​ໃນ​ຖະ​ໜົນ​ພ​ຣະ​ຣາມ 9, ລ້ຽວ​ຊ້າຍເຂົ້າ​ຖະ​ໜົນ​ປ​ຣະ​ດິດ​ມະ​ນູ​ທຳ, ລ້ຽວ​ຂວາ​ໄປ​ຫາ​ພ​ຣະ​ຣາມ 9 ຊອຍ 26, ລ້ຽວ​ຊ້າຍ​ໄປ​ຫາ​ຊອຍ​ເພັດ​ຊະ​ບູ​ຣີ 47, ສືບ​ຕໍ່​ເຂົ້າ​ໄປ​ໃນ​ຊອຍ​ເພັດ​ຊະ​ບູ​ຣີ 47 ແລະ ລ້ຽວ​ຂວາ ແລະ ​ເຂົ້າ​ໄປໃນ​ຊອຍເພັດ​ຊະ​ບູ​ຣີ 47. ໂຮງ​ແຮມ​ຢູ່​ທາງ​ເບື້ອງ​ຊ້າຍ​ມື.

ສະຖານທີ່ທ່ອງທ່ຽວໃນທ້ອງຖິ່ນ

ໂຮງ​ໝໍ​ບາງກອກ

ສ້າງ​ຕັ້ງ​ຂຶ້ນ​ໃນ​ປີ 1972, ໂຮງ​ໝໍ​ບາງກອກ​ເປັນ​ໜຶ່ງ​ໃນ​ໂຮງ​ໝໍ​ເອ​ກະ​ຊົນ​ທີ່​ໃຫຍ່​ທີ່​ສຸດ​ໃນ​ອາ​ຊີ​ຕາ​ເວັນ​ອອກ​ສ່ຽງ​ໃຕ້. ໂຮງ​ໝໍ​ມີຫຼາຍກວ່າ 40 ແຫ່ງ​​ທົ່ວ​ຕົວ​ເມືອງ​ໃຫຍ່ໆ​ໃນ​ປະ​ເທດ​ໄທ, ​ແລະ ສຳ​ນັກ​ງານ​ໃຫຍ່​ຖືກ​ຕັ້ງ​ຢູ່​ໃນ​ຊອຍ​ສູນ​ວິ​ໄຈ, ໃຊ້​ເວ​ລາ​ຍ່າງ​ຈາກ​ໂຮງ​ແຮມ​ພຽງ 2 ນາ​ທີ​ເທົ່າ​ນັ້ນ. ມີການ​ບໍ​ລິ​ການ​ລະ​ດັບ​ໂລກ, ສິ່ງ​ອຳ​ນວຍ​ຄວາມ​ສະ​ດວກ​ມາດ​ຕະ​ຖານ​ສາ​ກົນ​ທີ່​ມີ​ຄຸນ​ນະ​ພາບ​ສູງ, ອຸ​ປະ​ກອນ​ເທັກ​ໂນ​ໂລ​ຊີຂັ້ນ​ສູງ, ແລະ ໜ່ວຍ​ງານ​ລະ​ຫວ່າງ​ປະ​ເທດ​ທີ່​ອຸ​ທິດ​ຕົນ ພ້ອມ​ກັບ​ທີມ​ງານນາຍ​ແປ​ພາ​ສາ​ທີ່​ມີ​ຄວາມ​ຮູ້ທີ່​ສາ​ມາດ​ສື່​ສານ​ໄດ້​ຢ່າງ​ມີ​ປະ​ສິດ​​ທິ​ພາບຫຼາຍກວ່າ 26 ​ພາ​ສາ. 

ໂຮງ​ໝໍ​ປິ​ຍະ​ເວດ

ໂຮງ​ໝໍ​ປິ​ຍະ​ເວດ, ໂຮງ​ໝໍ​ເອ​ກະ​ຊົນ​ທີ່​ມີ​ຊື່​ສຽງ​​ທົ່ວ​ໂລກ​ໃນ​ບາງກອກ, ສະ​ໜອງ​ໃຫ້ລາຍ​ການ​ທີ່​ຄວບ​ຄຸມ​ກ່ຽວ​ກັບ​ມາດ​ຕະ​ຖານ​ສູງ​​ສຸດ​ຂອງ​ການ​ດູ​ແລ​ເບິ່ງ​ແຍງ​ສຸ​ຂະ​ພາບ. ດ້ວຍ​ປະ​ສົບ​ການກວ່າ​ສອງ​ທົດ​ສະ​ວັດ, ປິ​ຍະ​ເວດໄດ້​ຮັບ​ການຍອມ​ຮັບ​ສຳ​ລັບ​ຄວາມ​ຊ່ຽວ​ຊານ​​ທີ່​ໂດດ​ເດັ່ນ​ຂອງ​ໂຮງ​ໝໍ​ໃນ​ການ​ປິ່ນ​ປົວ​ຄົນ​ເຈັບ​ໃນ​ຄວາມ​ຊຳ​ນານ​ພິ​ເສດ​ທາງ​ການ​ແພດ​ເປັ​ນ​​ຈຳ​ນວນຫຼາຍ, ເຊັ່ນ​ວ່າ ຫົວ​ໃຈ, ກະ​ດູກ ແລະ ຂໍ້​ຕໍ່, ການ​ປິ່ນ​ປົວ​ແຂ້ວ​ຈົນ​ເຖິງ​ພາ​ວະ​ຈະ​ເລີນ​ພັນ.

ໂຮງ​ໝໍ​ພ​ຣະ​ຣາມ 9

ໂຮງ​ໝໍ​ພ​ຣະ​ຣາມ 9 ໄດ້​ຮັບ​ການ​ສ້າງ​ຕັ້ງ​ຂຶ້ນ​ທຳ​ອິດ​ໂດຍ​ກຸ່ມ​ຂອງ​ຜູ້​ຊ່ຽວ​ຊານ ແລະ ທ່ານ​ໝໍ​ຊ່ຽວ​ຊານ​ສະ​ເພາະ​ຈາກ​ລະ​ບົບ​ທາງ​ການ​ແພດ​ທັງ​ໝົດ. ໂຮງ​ໝໍ​ຖືກ​ສ້າງ​ຂຶ້ນ​​ໂດຍ​ມີ​ເປົ້າ​ໝາຍ​ເພື່ອ​ສະ​ໜອງ​ການ​ບໍ​ລິ​ການ​ທາງ​ການ​ແພດ​ທີ່​ເຊື່ອ​ຖື​ໄດ້​ໃນ​ຂອບ​ເຂດ​ທີ່​ກ້​ວາງ​ຂວາງ​​ຂອງ​ມາດ​ຕະ​ຖານ​ທີ່​ມີ​ຄຸນ​ນະ​ພາບ​ສູງ​ສຸດ. ໂຮງ​ໝໍ​ໄດ້​ຕິດ​ຕັ້ງ​ອຸ​ປະ​ກອນ​ທາງ​ການ​ແພດ​ທີ່​ທັນ​ສະ​ໄໝ ແລະ ທັນ​ສະ​ໄໝ​ທີ່​ສຸດ ເພື່ອ​ສະ​ໜອງ​ໃຫ້ຄົນ​ເຈັບ​ດ້ວຍ​ການ​ບໍ​ລິ​ການ​ທາງ​ການ​ແພດ​ທີ່​ດີ​ທີ່​ສຸດ​ຕະຫຼອດ​ເວ​ລາ. 

ຕະຫຼາດ​ນັດ​ລົດ​ໄຟກາງ​ຄືນ​ຣັດ​ຊະ​ດາ

ພວກ​ເຮົາ​ຂໍ​ແນະ​ນຳ​​ໃຫ້​ທ່ານ​ໄປ​ທ່ຽວ​ຊົມ​ຕະຫຼາດ​ກາງ​ຄືນ​ນີ້​ເພື່ອ​ສຳຫຼວດ​ໜຶ່ງ​ໃນ​ສະຖານ​ທີ່ທີ່ໜ້າປະທັບໃຈໃນ​ບາງກອກ! ຕະຫຼາດ​ນັດ​ລົດ​ໄຟ​ຣັດ​ຊະ​ດາຖືກ​ຕັ້ງ​ຢູ່​ບ່ອນ​​ທີ່ເໝາະ​ສົມໃກ້​ກັບ​ສະ​ຖາ​ນີ​​ສູນ​ວັດ​ທະ​ນະ​ທຳ​​ແຫ່ງປະ​ເທດ​ໄທ MRT. ທ່ານ​ຈະ​ພົບ​ຕະຫຼາດ​ກາງ​ແຈ້ງ​ທີ່​ໃຫຍ່ ແລະ ມີ​ຊີ​ວິດ​ຊີ​ວາ​ດ້ວຍ​ເຕັ້ນ​ສີ​ຮຸ້ງພ້ອມ​ກັບ​ເພງ​ທີ່​ຄຶກ​ຄັກ​. ນອກ​ຈາກ​ນີ້​ທ່ານ​ຍັງ​ຈະ​ພົບ​ຕົວ​ທ່ານ​ເອງ​ໃນ​ສະ​ຫວັນ​ຂອງ​ການ​ຊື້​ເຄື່ອງ ແລະ ອາ​ຫານ​ທ້ອງ​ຖິ່ນ​ໃນ​ລາ​ຄາ​ທີ່​ຖືກ. ທ່ານອາດໄດ້​ຄ​ວາມ​ສະ​ໜຸກ​ສະ​ໜານ​ເພີ່ມ​ຂຶ້ນເວລາທີ່ເຮົາລອງ​ຕໍ່​ລາ​ຄາ​ໃນ​ເວ​ລາ​ຊື້​ສິນ​ຄ້າ​ຢູ່​ທີ່​ນີ້. ສິ​​ນ​ຄ້າ​ຍອດ​ນິ​ຍົມ​ສ່ວນ​ໃຫຍ່​ລວມ​ມີ ເຄື່ອງ​ນຸ່ງ, ເກີບ, ເຄື່ອງ​ປະ​ດັບ, ແລະ ອື່ນໆ​ອີກ​ຫຼາຍຢ່າງ​ໃນ​ຂະ​ນະ​ທີ່​ພື້ນ​ທີ່​ດ້ານຫຼັງ​ເຕັມ​ໄປ​ດ້ວຍ​ຜູ້​ຂາຍ​ອາ​ຫານ ແລະ ຮ້ານ​ອາ​ຫານ​ກາງ​ແຈ້ງ. ​ໄປໂລດເດີ່ຫຼັງ​ຈາກ 5 ໂມງ​ແລງ​ຂອງ​ທຸກໆ​ມື້. 

ທອງຫຼໍ່

ໜຶ່ງ​ໃນ​ເຂດ​ທີ່​ທັນ​ສະ​ໄໝ​ທີ່​ສຸດ ແລະ ໂດ່ງ​ດັງ​ທີ່​ສຸດ​ຂອງ​ບາງກອກ​ແມ່​ນທອງຫຼໍ່​ຢ່າງ​ແນ່ນອນ. ມີ​ບາ​ທີ່​ໂດດເດັ່ນຫຼາຍ​ຮ້ອຍ​ແຫ່ງ, ຮ້ານ​ຄາ​ເ​​ຟ​ທີ່​ແສນ​ສະ​ບາຍ​ພ້ອມ​ກັບ​ບາ​ຣິ​ສ​ຕາ​ທີ່​ມີ​ທັກ​ສະ​ພ້ອມກັບ​ບ່ອນ​ນັ່ງ​ທີ່​ງາມໜ້າ​ສົນ​ໃຈ, ຮ້ານ​ອາ​ຫານ​ແບບ​ສະ​ບາຍ ແລະ ບໍ່​ທຳ​ມະ​ດາ​ທີ່ຫຼາກຫຼາຍ, ​ສະ​ຖານ​ບັນ​ເທິງ​ໃນ​ຍາມ​ກາງ​ຄືນທີ່​ໜ້າ​ຈັບ​ໃຈ​, ແລະ ຮ້ານ​​ຂາຍ​ເຄື່ອງ​ແບບ​ທັນ​ສະ​ໄໝ. ທອງຫຼໍ່ເປັນ​ທີ່​ຮູ້​ຈັກ​ກັນ​ດີວ່າເປັນສະຖ່ານທີ່ຊັ້ນຳທາງການບັນເທີງ; ເຖິງ​ຢ່າງ​ໃດ​ກໍ​ຕາມ, ມັນ​ເໝາະ​​ສຳ​ລັບ​ນັກ​ເດີນ​ທາງ​ທຸກ​ປະ​ເພດ. ຢູ່​ບ່ອນ​ນີ້​ທ່ານ​ສາ​ມາດ​ຊອ​ກ​ຫາ​ອາ​ຫານ ​ຕັ້ງ​ແຕ່​ອາຫານ​ແຄມ​ທາງ​ຈົນ​ເຖິງ​ອາ​ຫານ​ລົດ​ຊາດ​​ທີ່​ບໍ່​ທຳ​ມະ​ດາ. ​ທ້າຍ​ອາ​ທິດຄົນຈະຫຼາຍເປັນພິເສດ. 

ສູນ​​ການ​ຄ້າ The Commons

ສູນ​ການ​ຄ້າ​ຊຸມ​ຊົນ​ແບບ​ເປີດ​ໂລ່ງແລະ ເປັນ​ມິດ​ກັບ​ສິ່ງ​ແວດ​ລ້ອມ​ມີ​ຈຸ​ປະ​ສົງ​ເພື່ອ​ເປັນ​ສະ​ໜາມຫຼັງ​ບ້ານ​ຂອງ​ທອງຫຼໍ່, ພື້ນ​ທີ່​ເຕົ້າ​ໂຮມ​ສຳ​ລັບ​ຜູ້​ຜະ​ລິດ​ທີ່​ມີ​ຄວາມ​ຊ່ຽວ​ຊານ​ສະ​ເພາະ ແ​ລະ ມີ​ຄຸນ​ນະ​ພາບ. ສະ​ຖານ​ທີ່​ພັກ​ຜ່ອນ ແລະ ຕະຫຼາດ​ທີ່​ແຫ່ງ​ນີ້ມີ​ຮ້ານກາ​ເຟ​ທີ່ຊົງດ້ວຍມື, ຮ້ານ​ອາ​ຫານ​ ແລະ ຮ້ານ​ຄ້າ​ທັນ​ສະ​ໄໝ​ຂະ​ໜາດ​ນ້ອຍ​ຈຳ​ນວນຫຼາຍ​ພໍ​ສົມ​ຄວນ​ຢູ່​ທ່າມ​ກາງ​ສວນ​ເພື່ອ​ໃຫ້​ທ່ານ​ສາ​ມາດ​ເລາະໄດ້ຕາມ​ໃຈມັກ. 

72 ຄອດຢາດ

72 ຄອດຢາດແມ່ນສູນ​ການ​ຄ້າ​ທີ່​ມີເອກະລັກເປີດ​ໂລ່ງ​ໃນ​ເຂດທອງຫຼໍ່, ເຊິ່ງ​ເປັນ​ສະ​ຖານ​ທີ່​ສຳ​ຄັນ​​ເປັນ​ແຫຼ່ງ​ລວມ​ຂອງ​ອາ​ຫານ ແລະ ເຄື່ອງ​ດື່ມ, ສະ​ຖານ​ບັນ​ເທິງ​ຍາມ​ກາງ​ຄືນ. ແນວຄວາມຄິດແມ່ນເພິ່ນຍາກລວມແຫຼ່ງ​ບັນເທິງ​ທີ່​ໜ້າ​ຕື່ນ​ເຕັ້ນ​​ທີ່​ສຸດ​ຂອງ​ບາງກອກ​ທັງ​ໝົດໃນສະ​ຖານ​ທີ່​ອັນກ້ວາງໃຫຍແຫ່ງນີ້.

ເອັມຄວາເທຍ

ເອັມຄວາເທຍ ປະ​ກອບ​ດ້ວນ​ສູນ​ການ​ຄ້າສາມ​ແຫ່ງ​ທີ່​ຮຽກ​ວ່າ ‘EM District” ພ້ອມ​ກັບ​ສູນ​ການ​ຄ້າຕ່າງໆ​ທີ່​ມີ​ຢູ່ແລ້ວ. ມີ​ລາຍ​ການ​ສິນ​ຄ້າ​ຍີ່​ຫໍ່​ດີຂອງນັກ​ອອກ​ແບບຊັ້ນນຳຂອງໄທວາງຂາຍຍາວຢຽດ​ຢູ່ທີ່ ເອັມຄວາເທຍ ບາງກອກ.​ ​ຮ້ານ​ອາ​ຫານຫຼາຍ​ສິບ​ແຫ່ງ ແ​ລະ ​ສວນເບຍຕ່າງໆ – ມາພ້ອມ​ກັບ​ບັນຍາກາດນ້ຳ​ຕົກ​ຕາດ. EM District ​ສາມາດເຂົ້າໂດຍ​ກົງຈາ​​ກລົດ​ໄຟ​ຟ້າ BTS ​ພ​ຣ້ອມ​ພົງ. ແຂກ​ທີ່​ເຂົ້າ​ມາ​ພັກ​ໃນ​ໂຮງ​ແຮມ​ສາ​ມາດ​ຂຶ້ນ​ລົດ​ຕູ້​ຮັບ​ສົ່ງ​ໄປ​ຫາ​ສະ​ຖາ​ນີ​ເພັດ​ຊະ​ບູ​ຣີ MRT, ລົງ​ທີ່​ສະ​ຖາ​ນີ​ສຸ​ຂຸມ​ວິດ ແລ້ວ​ປ່ຽນ​ເປັນ​ສະ​ຖາ​ນີ BTS ແລະ ພ​ຣ້ອມ​ພົງພຽງ​ສະ​ຖາ​ນີ​ຕໍ່​ໄປ. 

ເທີ​ມີ​ນໍ 21

ເທີມີ​ນໍ 21 ເປັນ​ສູນ​ການ​ຄ້າ​ທີ່​ມີ​ລັກສະນະສະ​ເພາະ​ບໍ່​ຄື​ໃຜ​ ເຊິ່ງຫ່າງ​ຈາກ​ໂຮງ​ແຮມພຽງ 4.4 ​ກິ​ໂລ​ແມັດ​ເທົ່າ​ນັ້ນ. ແນວ​ຄວາມ​ຄິດ​ການ​ອອກ​ແບບ​ຂອງ​ມັນ​ແມ່ນ​ເພື່ອ​ນຳ​ເອົາ​ໂລກ​​ທັໜ່ວຍມາ​ໃຫ້​ທ່ານ​ຊື່ນຊົມໃນ​ຮູບ​ແບບ​ຕະຫຼາດແຄມຖະ​ໜົນ​. ການ​ອອກ​ແບບ​ຂອງ​ແຕ່​ລະ​ຊັ້ນ​ໄດ້​ແຮງ​ບັນ​ດານ​ໃຈ​ຈາກ​ຕົວ​ເມືອງ​ທີ່​ມີ​ຊື່​ສຽງ​ໃນ​ໂລກ​ທີ່​ແຕກ​ຕ່າງ​ກັນ ເຊິ່ງ​ລວມ​ມີ ແຄ​ຣິ​ບບຽນ, ໂຣມ, ປາ​ຣີ​ສ, ໂຕ​ກຽວ, ລອນດອນ, ອິ​ສ​ຕັນ​ບູ​ລ, ຊານ​ຟ​ຣານ​ຊິ​ສ​ໂກ, ແລະ ຮໍ​ລີ​ວູດ ບ່ອນ​ທີ່​ຜູ້​ເຂົ້າ​ຊົມ​ສາ​ມາດ​​​ເພີດ​​ເພີນກັບ​ການ​ຖ່າຍຮູບ​ການ​ຕົບ​ແຕ່ງ​ເຫຼົ່າ​ນີ້.

ສູນ​ການ​ຄ້າ​ເທີ​ມີ​ນໍ 21 ມີ​ຮ້ານ​ຄ້າຫຼາຍກວ່າ 600 ຮ້ານ ເຊິ່ງລວມມີຮ້ານຂາຍ​ເຄື່ອງ​ປະ​ດັບ, ເກີບ, ແລະ ເຄື່ອງ​ນຸ່ງທີ່ມີ​ທັງ​ຍີ່​​ຫໍ້​ຊື່ດັງ ແລະ ຍີ່ຫໍ່ຂອງໄ​ທ​ເອງ​ໃນ​ລາ​ຄາ​ທີ່​ສາ​ມາດ​ຈ່າຍ​ໄດ້ເຊັ່ນ​ດຽວ​ກັບ​ຮ້ານ​ອາ​ຫານ​ທີ່​ແຊບໆຫຼາຍ​ຮ້ານ, ໂຮງ​ຮູບເງົາແລະ ​ຮ້ານ​ຄ້າ​ຂະ​ໜາດ​ໃຫຍ່.

ຢ່າ​ລືມ​ໄປ​​ເບິ່ງ​ສວນອາ​ຫານ​ຂະ​ໜາດ​ໃຫຍ່​ຢູ່​ທີ່​ຊັ້ນ​ເທິງ​ສຸດ. ມີ​ບໍ​ລິ​ການ​​ອາ​ຫານ​ໄທ ແລະ ອາ​ຫານ​ນາ​ນາ​ຊາດ​ທີ່​ມີ​ລົດ​ຊາດ​ດີ​ທຸກ​ຊະ​ນິດໃນ​ລາ​ຄາ​ສຸດຄຸ້ມ​ ເມື່ອທຽບກັບຄຸນະພາບອາຫານ! ການ​ລວມ​ຕົວ​​ຂະ​ໜາດ​ໃຫຍ່​ຂອງ​ຮ້ານ​ອາ​ຫານ​ຢູ່​ບ່ອນ​ນີ້​ເປັນ​ທີ່​ຮູ້​ຈັກ​ກັນ​ເປັນ​ຢ່າງ​ດີ​ສຳ​ລັບ​ທັງ​ຊາວ​ໄທໃນ​ທ້ອງ​ຖິ່ນ ແລະ ນັກ​ເດີນ​ທາງ. ມັນ​ຄຸ້ມ​ຄ່າ​ຢ່າງ​ແນ່ນອນ​!

ເອ​ສ​ພ​ລາ​ນາດ ບາງກອກ

ເອ​ສ​ພ​ລາ​ນາດ ບາງກອກເປັນ​ສູນ​ລວມ​ຄວາມ​ບັນ​ເທິງທີ່ມີລັກສະນະສະເພາະໂຕທີ່ລວມ​ທັງ​​ໂຮງ​ຮູບເງົາຊັ້ນນຳຫຼາຍເຖິງ 12 ໂຮງ, ເລນ​ໂບ​ລິ້ງ 22 ເລນ, ​ຫ້ອງ​ຄາ​ຣາ​ໂອ​ກິ 17 ຫ້ອງ, ຫໍ​ພິ​ພິດ​ຕະ​ພັນສະ​ແດງ​ຜົນ​ງານ​ທາງ​ສິ​ລະ​ປະ​, ສູນ​ອອກ​ກຳ​ລັງ​ການຍທີ່​ທັນ​ສະ​ໄໝ​ທີ່​ສຸດ, ແລະ ຮ້ານ​ອາ​ຫານຫຼາຍກວ່າ 50 ແຫ່ງ. ທ່ານ​ສາ​ມາດ​ເດີນ​ທາງ​ໄປ​ທີ່ນັ້ນ​ໄດ້​ຢ່າງ​ງ່າຍ​ດາຍ​ໂດຍ ລົດ​ໄຟ​ຟ້າ​ໃຕ້​ດິນ MRT ແລະ ລົງ​ທີ່​ສະ​ຖາ​ນີ​ສູນ​ວັນ​ທະ​ນະ​ທຳ. ເອ​ສ​ພ​ລາ​ນາດ ບາງກອກ ຍັງ​ມີ​ບ່ອນ​ສຳ​ລັບ​ໂຮງ​ຮູບເງົາ​ ເມືອງໄທ ຣັດ​ຊະ​ດາ​ໄລ, ໂຮງ​ລະ​ຄອນ​ເພງ​ສະ​ແດງ​ສົດ. ມັນ​ຖືກ​ສ້າງ​ຂຶ້ນ​ເພື່ອ​ຕອບ​ສະ​ໜອງວິ​ໄສ​ທັດ​ຂອງ​ການ​ເປັນ “ໂຮງ​ລະ​ຄອນ​ທີ່​ໃຊ້​ງານ​ໄດ້ຫຼາຍ​ຮູບແບບ”. ມີການຖ່າຍ​ທອດ​ສົດຫຼາກຫຼາຍ​ປະ​ເພດ ເຊັ່ນ​ວ່າ ລະ​ຄອນ​ເພງ, ​ການ​ສະ​ແດງ​ດົນ​ຕີ, ​ການ​ເວົ້າ​ຕາຫຼົກ, ການ​ແຂ່ງ​ຂັນ, ການ​ສຳ​ມະ​ນາ, ການ​ເປີດ​ຕົວ​ຜະ​ລິດ​ຕະ​ພັນ, ການ​ຖະ​ແຫຼງ​ຂ່າວ ແລະ ອື່ນໆ​ອີກຫຼາຍ​ຢ່າງ. ມີ​ບ່ອນ 1,512 ບ່ອນ​​ທີ່​ຜູ້​ຊົມ​ສາ​ມາດເລືອກໄດ້ຫຼາຍມຸມ.

ເຊັນ​ທ​ຣັລ໌ ພ​ລາ​ຊາ ​ແກ​ຣນດ໌ ​ພ​ຣະ​ຣາມ 9

ເຊື່ອມ​ຕໍ່​ກັນ​ໂດຍ​ກົງກັບ​ສະ​ຖາ​ນີ​ໄຟ​ຟ້າ​ໃຕ້​ດິນ MRT ຂອງ​ພ​ຣະ​ຣາມ 9 ທີ່​ຊັ້ນ​ໃຕ້​ດິນ, ເຊັນ​ທ​ຣັລ໌ ພ​ລາ​ຊາ ​ແກ​ຣນດ໌ ​ພ​ຣະ​ຣາມ 9 ​ເປັນ​ແຫຼ່ງ​ຊື້​ເຄື່ອງ​ຂອງ​ທີ່ມີເອກະລັກສ່ວນໂຕແບບ​ຄົບ​ວົງ​ຈອນ​ໃນ​ເຂດ​ຣັດ​ຊະ​ດາ​ພິ​ເສກ. ຫຼາຍກວ່າ 300 ຮ້ານ​ທີ່​ຈັດ​ໄວ້​ເປັນ​ໝວດ ນັບ​ຕັ້ງ​ແຕ່​ເຄື່ອງ​ນຸ່ງ, ເຄື່ອງ​ປະ​ດັບ​ແຟ​ຊັ້ນ, ຮ້ານ​ເສີມ​ສວຍ, ສະ​ປາ​ກາງ​ເວັນ, ​ເຄື່ອງ​ໃຊ້, ​ອຸ​ປະ​ກອນ​ໄຟ​ຟ້າ, ຮ້ານ​ອາ​ຫານ​ທີ່ຫຼາກຫຼາຍ, ຮ້ານ​ຄາ​ເຟ, ໂຮງ​ຮູບເງົາໄປ​ຈົນ​ເຖິງ​ສະ​ໜາມ​ກິ​ລາ​ສະ​ເກັດ​ນ້ຳ​ກ້ອນ, ທັງໝົດນີ້​ກຳ​ລັງ​ລໍ​ຖ້າ​ທ່ານ​ໄປ​ສຳຫຼວດ. ນອກ​ຈາກ​ນີ້, ໜຶ່ງ​ໃນ​ຈຸດ​ເດັ່ນ​ແມ່ນ​ສູນການ​ຄ້າ​ໂຣ​ບິນ​ສັນ ເຊິ່ງ​ຖືກ​ຕົບ​ແຕ່ງ​ໃນ​ຮູບ​ແບບ​​​​ພິ​ເສດ​ເພື່ອປະ​ສົບ​ການການ​ຊື້​ເຄື່ອງ​ທີ່​ດີທີ່​ສຸດ​ຂອງ​ທ່ານ. 

ອາຊີເອ

ອາຊີເອຫຼືRCA, ຮູ້​ຈັກ​ກັນ​ດີໃນ​ນາມ Royal City Avenue ເຊິ່ງ​ເປັນ​ສະ​ຖານ​ບັນ​ເທິງ​ຍາມ​ກາງ​ຄືນ​ທີ່​ໄດ້​ຮັບ​ຄວາມ​ນິ​ຍົມຫຼາຍ​ທີ່​ສຸດ​ໃນ​ບາງກອກ. ມີ​ບາ, ໄນ​​ທ໌ຄ​ລັບ, ກິດ​ຈະ​ກຳ​ການ​ສະ​ແດງ​ດົນ​ຕີ​ສົດ, ແລະ ຮ້ານ​ອາ​ຫານ​ຈຳ​ນວນຫຼວງຫຼາຍ​ທີ່​ແຜ່​ຍາວ​ຕາມ​ຖະ​ໜົນ. ໂດຍສະເພາະ​ງານ​ບຸນ​ສົງ​ການ​ທີ່ RCA ໃນ​ເດືອນ​ເມ​ສາ. ທົ່ວ​ທັງ​ຖະ​ໜົນ​ຈະ​ຖືກ​ປິດ​ກັ້ນ​ພຽງ​ເພື່ອ​ການ​ເຮັດ​ສົງ​ຄາມ​ສາດ​ນ້ຳ​ທີ່​ຍິ່ງ​ໃຫຍ່ ເຊິ່ງ​ສາ​ມາດ​ເຮັດ​ໃຫ້​ນັກ​ເດີນ​ທາງ​​ຈາກ​ທົ່ວ​ໂລກຫຼາຍ​ພັນ​ຄົນ​​ເພີດ​​ເພີນກັບ​ຄວາມ​​ສະ​ໜຸກ​ສະ​ໜານ​ໄດ້.
RCA ຍັງ​ມີ​ບ່ອນ​ສຳ​ລັບ EasyKart, ​ສະໜາມແຂ່ງລົດໂກ​ຄາດໃນ​ຮົ່ມ​ທີ່​ໜ້າ​ຕື່ນ​ເຕັ້ນ​ສຳ​ລັບ​ຜູ້​ທີ່​ມັກ​ຄວາມ​ໄວ ແລະ ​ດຸດັນ. ຢ່າ​ກັງ​ວົນ​ເລື່ອງ​ຄວາມ​ປອດ​ໄພ, ສະ​ຖານ​ທີ່​ນີ້​ມີ​ທີມ​ງານ​ມື​ອາ​ຊີບ​ຜູ້​ທີ່ໃຫ້ຄຳແນະນຳທ່ານ​ກ່​ອນ​ການ​ແຂ່ງ​ຂັນ ແລະ ຕິດ​ຕາມ​ນັກ​ແຂ່ງ​ຂັ​ນ​ທຸກ​ຄົນເພື່ອ​ຮັບ​ປະ​ກັນ​ຄວາມ​ປອດ​ໄພ​ສູງ​ສຸດ.

ສະ​ຖານ​ທີ່​ອື່ນ​ທີ່​ຈະ​ເຂົ້າ​ຊົມ​ໃນ​ບໍ​ລິ​ເວນ​ນີ້​ແມ່ນ House RCA ຫຼື House Rama ບ່ອນ​​ທີ່​ທ່ານ​ສາ​ມາດ​​ເພີດ​​ເພີນກັບ​ທາງ​ເລືອກເພື່ອ​ຄວາມ​ບັນ​ເທິງ​​ທີ່​ແຕກ​ຕ່າງ​. ການ​ຮວບ​ຮວມ​ຮູບເງົາທີ່ດີເລີດຈຳ​ນວນຫຼວງຫຼາຍ​ຈາກ​ທົ່ວ​ໂລກ; ມີຮູບເງົາຫຼາຍປະເພດເຊັ່ນ: ຮູບເງົາແບບອິດ​ສະຫຼະ, ຮູບເງົາແບບ​ສິ​ລະ​ປະ, ຮູບເງົາທີ່​ໄດ້​ຮັບ​ລາງວັນ​ລະ​ດັບ​ສາ​ກົນ ຫຼື ແມ່ນ​ແຕ່ຮູບເງົາ​ທີ່​ຄົນ​ນິ​ຍົມຫຼາຍ.

ສູນ​ການ​ຄ້າ Show DC

ສູນ​ການ​ຄ້າ Show DC ເປັນ​ສູນ​ລວມ​ຄວາມ​ບັນ​ເທິງ ແລະ ການ​ຂາຍ​ຍ່ອຍ​ຄົບ​ວົງ​ຈອນ​ແຫ່ງ​ທຳ​ອິດ​ທີ່​ຕັ້ງ​ຢູ່​ຫ່າງ​ຈາກ Holiday Inn Express Bangkok Soi Soonvijai ພຽງ​ສອງ​ສາມ​ກິ​ໂລ​ແມັດເທົ່າ​ນັ້ນ. ມັນ​ມີ​ຮ້ານ​ຄ້າຫຼາຍ​ຮ້ອຍ​ຮ້ານ, ຮ້ານ​ອາ​ຫານ, ຮ້ານ​ກາ​ເຟ, ໂຮງ​ຮຽນ​ສອນ​ປຸ່ງ​ແຕ່ງ​ອາ​ຫານ, ບາ​ເທິງຊັ້ນດາດຟ້າ, ຮ້ານ​ຂາຍ​ສິນ​ຄ້າ​ປອດ​ພາ​ສີ​ຂະ​ໜາດ​ໃຫຍ່, ແລະ ໂຮງ​ລະ​ຄອນສອງ​ແຫ່ງ​ສຳ​ລັບ​ການ​ສະ​ແດງ​ທີ່​ປະ​ທັບ​ໃຈຫຼາຍຢ່າງ. ຢູ່​ທີ່​ຊັ້ນ​ທຳ​ອິດຂອງ​ສູນ​ການ​ຄ້າ​ທີ່ກວ້າງ​ໃຫຍ່​ນີ້​ແມ່ນ K-District Mall ເຊິ່ງ​ຮູ້​ຈັກ​ກັນ​ດີ​ໃນ​​ນາມ​ຕົວ​ເ​ມືອງ​ເກົາຫຼີ​ທີ່​​ໃຫຍ່​ທີ່​ສຸດ​ທີ່​ຢູ່ນອກ​ປະ​ເທດ​ເກົາຫຼີ, ເປັນ​​ທາງ​ເລືອກ​ທີ່​ດີ​ສຳ​ລັບ​ການ​ໄປ​​ຊື້​ເຄື່ອງ​ຂອງ​ບັນ​ດາ​ຜູ້​ທີ່​ມັກ​ແຟ​ຊັ້ນ, ເຄື່ອງ​ສຳ​ອາງ, ສຸ​ຂະ​ພາບ ແລະ ຜະ​ລິດ​ຕະ​ພັນ​ອາ​ຫານ​ເກົາຫຼີ. ຮ້ານ​ຄ້າ​ປອດ​ພາ​ສີ Duty-free Lotte ກວມ​ເອົາ​ພື້ນ​ທີ່​ສ່ວນ​ໃຫຍ່​ໃນ​ສູນ​ການ​ຄ້າ Show DC. ​ຢູ່​ບ່ອນ​ນີ້​ມີຜະ​ລິດ​ຕະ​ພັນ​ຍີ່​ຫໍ້ດັງ​ນັບ​ບໍ່​ຖ້ວນ ແລະ ມີ​ສ່ວນຫຼຸດ​ເພີ່ມ​ເຕີມ​ເມື່ອ​ສະ​ແດງ​ບັດ​ຊະມາຊິກຂອງ​ສູນ​ການ​ຄ້າ Show DC ທີ່​ສາ​ມາດ​ໃຊ້​ໄດ້​ກັບຫຼາຍ​ຍີ່​ຫໍ້. 

See All Local Attractions >

RESTUARANTS NEARBY

ຂົ້ວ​ກ​ລິ້ງ​ຜັກ​ສົດ

ຕັ້ງ​ຢູ່​ໃນ​ຊັ້ນ​ລັອບ​ບີ້​ຂອງ​ໂຮງ​ແຮມ, ຂົ້ວ​ກ​ລິ້ງ​ຜັກ​ສົດ ມີ​ຊື່​ສຽງ​ໃນ​ດ້ານ​ປະ​ເພດ​ອາ​ຫານ​ໃຕ້​ຂອງ​ໄທ​ແບບດັ້ງ​ເດີມ ໂດຍ​ສະ​ເພາະ​ສຳ​ລັບ​ຊາວ​ໄທ​ໃນ​ທ້ອງ​ຖິ່ນ. ຮ້ານ​ອາ​ຫານ​ໄທ​ທີ່​ດຳ​ເນີນ​ກິດ​ຈະ​ການ​ແບບຄອບ​ຄົວ​ແຫ່ງ​ນີ້​ ‘ແຕ່ງ​ອາ​ຫານ​ແບບ​​ພື້ນບ້ານ’ ແລະ ມີ​ຈຸ​ດປະ​ສົງ​ທີ່​ຈະ​ສືບ​ສານ​ມໍ​ລະ​ດົກ​ຄອບ​ຄົວ​ຂອງ​ເຂົາ​ເຈົ້າ​ໂດຍແມ່​ຄົວຫຼັກທີ່ເປັນ ແມ່ ແລະ ປ້າ. ຮ້ານ​ອາ​ຫານ​ນີ້​ເຊື່ອ​ວ່າ​ການ​​ຮັບ​ປະ​ທານ​ອາ​ຫານ​​ຮ່ວມ​ກັບ​ຄອບ​ຄົວ​ຢູ່​ທີ່​ເຮືອນ​ເປັນ​ປະ​ສົບ​ການການ​ຮັບ​ປະ​ທານ​ອາ​ຫານ​ທີ່​ດີ​ທີ່​ສຸດ, ບ່ອນ​ທີ່​ທ່ານ​ສາ​ມາດ​​ເພີດ​​ເພີນກັບ​ອາ​ຫານ​ດີໆ​ພ້ອມ​ກັນ​ກັບ​ຄົນ​ຮັກ​ຂອງ​ທ່ານ. ຄາດ​ຫວັງ​ທີ່​ຈະ​ພົບ​ຄວາມ​ສະ​ບາຍ​ໃຈ ແລະ ຄວາມ​ສຸກ​ໄດ້ທີ່​ນີ້.

AL SARAY

ການ​ເຂົ້າ​ໄປ​ທີ່​ຮ້ານ​ອາ​ຫານ Al Saray Fine Lebanese and Indian Cuisine ​ຄ້າຍ​ກັນ​ກັບ​ການ​ຍ່າງ​ເຂົ້າ​ໄປ​ໃນ​ດິນ​ແດນ​ຂອງ​ອາ​ຫານ​​ຈາກ​ຂົງເຂດນັ້ນໆ​ທີ່​ສົ່ງ​ກິ່ນ​ອົບ​ອວນ​ດ້ວຍເຄື່ອງ​ເທດ​ທີ່​ເຕັມ​ໄປ​ດ້ວຍ​ສີ​ສັນ ແລະ ເຄື່ອງ​ປຸງ​ລົດ​ທີ່​ມີ​ກິ່ນ​ຫອມ​. ເມ​ນູ​ພື້ນ​ບ້ານທີ່ຫຼາກຫຼາຍ​, ນັບ​ຕັ້ງ​ແຕ່​ອາ​ຫານ​ຈານ​ເດັດ Lebanese mezze ​ຈານນ້ອຍ ແລະ ເມ​ນູ​ທີ່ຄັດ​ສັນ​ມາແລ້ວເຊັ່ນປະ​ເພດ​ປີ້ງ​ຢ້າງ ແລະ ອົບ ຈົນ​ເຖິງ​ແກງ​ກະ​ລີ່ ແລະ ຂະ​ໜົມ​ຫວານຂອງ​ອິນ​ເດຍ. ອາ​ຫານ​ຂອງ​ພວກ​ເຮົາ​ບໍ່​ພຽງ​ແຕ່​​ປຸ່ງ​ແຕ່ງ​ຂຶ້ນ​ຢ່າງ​ເຄັ່ງ​ຄັດ​ຕາມ​ມາດ​ຕະ​ຖານ​ຮາ​ລາ​​ເທົ່າ​ນັ້ນ, ແຕ່​ວ່າ​ພວກ​ມັນ​ຍັງ​ມີ​ສ່ວນ​ປະ​ສົມ​ທີ່​ພິ​ເສດ ແລະ ດີ​ຕໍ່​ສຸ​ຂະ​ພາບ​ໃນ​ແບບ​ຂອງ​ປະ​ເພ​ນີ​​ເລ​ບາ​ນອນ ແລະ ອິນ​ເດຍຢ່າງ​ແທ້​ຈິງ.

BEEF BALL NOODLE KNOWN AS LOOKCHIN ANAMAI

ຮ້ານ​ອາ​ຫານ​​ທີ່​ປຸງ​ແຕ່ງ​ດ້ວຍ​ຊີ້ນ​ງົວ​ຢ່າງ​ດຽວ​ແຫ່ງ​ນີ້​ມີ​ຊື່​ສຽງ​ໃນ​ດ້ານ​​ລູກຊີ້ນ​ງົວ​ຂອງ​ຮ້ານ​ ເຊິ່ງ​ຖືກ​ປຸງ​ແຕ່ງ​ຈາກ​ຊີ້ນ​ງົວ​ຄັດ​ສັນທີ່​ມີ​ຄຸນ​ນະ​ພາບ​ສູງ 100%. ຫຼາຍ​ໆ​ຄົນ​ໃນ​ທ້ອງ​ຖິ່ນ​ມາ​ທີ່​ຮ້ານນີ້​ເພື່ອ​ຮັບ​ປະ​ທານ​ອາ​ຫານ​ທ່ຽງ ແລະ ອາ​ຫານ​ແລງ. ນອກ​ຈາກ​ລູກ​ຊີ້ນ​ງົວ​ທີ່​ເປັນ​ເມ​ນູ​ປະ​ຈຳ​ຂອງ​ຮ້ານ, ມັນ​ຍັງ​ມີຕົວ​ເລືອກ​​​ທີ່ເປັນຊີ້ນ​ງົວຈາກສ່ວນອື່ນໆ​ທີ່​ທ່ານ​ສາມາດລອງໄດ້ໃນລາຄາທີ່ເປັນກັນເອງ. ໃຊ້​ເວ​ລາ​ຍ່າງ​ຈາກ​ໂຮງ​ແຮມ​ພຽງ​​ສອງ​ສາມ​ນາ​ທີ​ເທົ່າ​ນັ້ນ. ຍ່າງ​ອອກ​ຈາກ​ໂຮງ​ແຮມ ແ​ລະ ​ລ້ຽວ​ຊ້າຍແລ້ວ​ຍ່າງ​ຊື່​ໄປ. ລ້ຽວ​ຊ້າຍທີ່ຊອຍ​ເພັດ​ຊະ​ບູ​ຣີ 47, ຊອຍ 9 ແລະ ​ສືບ​ຕໍ່​ຍ່າງ​ຊື່​ໄປ. ຮ້ານ​ອາ​ຫານ​ຈະ​ຢູ່​ທາງ​ເບື້ອງ​ຂວາ​ມື​ຂອງ​ທ່ານ. 

AFTER YOU DESSERT CAFÉ

ຖ້າ​ທ່ານ​ມັກ​ຂອງ​ຫວານ​ເປັນ​ພິ​ເສດ, ທ່ານ​ບໍ່​ຄວນ​ພາດທີ່​ຈະ​ເຂົ້າ​ຮ້ານ After You Dessert Café. ​ໃຊ້​ເວ​ລາ​ຍ່າງ​ຈາກ​ໂຮງ​ແຮມ​ໄປ​ຫາ​ທີ່ນັ້ນ​ພຽງ 2 ນາ​ທີ​ເທົ່າ​ນັ້ນ. ຈາກ​ໂຮງ​ແຮມ, ໃຫ້​ລ້ຽວ​ຊ້າຍ, ຍ່າງ​ຊື່​ໄປ ແລ້ວ​ລ້ຽວຂວາ​ທີ່​ອາ​ຄານ​ບາງກອກ​ພ​ຣາ​ຊາ. ຢ່າ​ແປກ​ໃຈ​ຖ້າ​ທ່ານ​​ພົບການ​ຕໍ່​ຄິວ​​ຍາວ​ເມື່ອ​ເຂົ້າ​ໄປ​ໃນ​ອາ​ຄານ. ແມ່ນແລ້ວ, ທ່ານ​ຮອດຈຸດ​ໝາຍ​ປາຍ​ທາງ​ຂອງ​ທ່ານ​ແລ້ວ. After You ​ມີ​ຊື່​ສຽງ​ສຳ​ລັບ​ທັງ​ຄົນ​ໃນ​ທ້ອງ​ຖິ່ນ ແລະ ນັກ​ເດີນ​ທາງ, ໂດຍ​ສະ​ເພາະ​ແມ່ນ​ເຂົ້າ​ໜົມ​ປັງ​ ຊິ​ບູ​ຢາ ​​ເມ​ນູ​ປະ​ຈຳຂອງ​ຮ້ານ. ລອງ​ຊິມ​ກາ​ເຟ​​ສູດພິ​ເສດ ແລະ ຂະ​ໜົມ​ອົບ​ສົດ​ໃໝ່​ແຊບໆຫຼາກຫຼາຍ​ຈາກ​ລາຍ​ການ​ທີ່​ຍາວ​ຢຽດ​ຂອງ​ຮ້ານ ທີມີ​ອ້ອມ​ຮອບ​ຕົວ​ທ່ານ​ດ້ວຍ​ບັນ​ຍາ​ກາດ​ທີ່​ອົບ​ອຸ່ນ ແລະ ແສນ​ສະ​ບາຍ.